志蓮淨苑 + 南蓮園池 V of V

由用 Cannon (平價器材) 至 Pentax (用Cannon做標準都係平價貨，就算枝 FA 31都係六千幾蚊) 期間一向都唔多覺用最細光圈同用最佳光圈相片質素會有極明顯分別(我指相片而唔係睇 MTF圖表)，所以多數都用 F16 去影可以有較深景深。不過到早幾個月前轉用 M-system 時經常覺得 JPG 唔夠好所以試過影 Raw 然後再轉成 JPG 加銳利度。今日突然醒起未試過用中度光圈去試呢支鏡所以今次主力用 F8 - 11去試，一試之後發現原來枝 Leica M 28/2.8 (最平既 28 焦段入門鏡)用較佳光圈原來相片質素係會有好明顯分別。
今次轉系統唔只令我重新認識景深尺，原來選擇合適光圈畫質真係可以差好遠。 但話分兩頭，點解之前既器材分別又冇咁大呢？終於明白以前係Forum見過有前輩講過，如果主力影景的話唔應該花太多錢(指萬萬聲一枝鏡果類鏡)係日本 135 相機身上，因為用左既錢係性價比上面係唔成正比。亂影一通既我影左都差唔多 4-5年，對器材既認識/運用仍然係唔足夠，似乎唔正正經經去讀攝影課程所要行既路的確比較緩慢。

志蓮淨苑 + 南蓮園池 IV of V

志蓮淨苑 + 南蓮園池 III of V

志蓮淨苑 + 南蓮園池 II of V

志蓮淨苑 + 南蓮園池 I of V

黃金海岸(拍攝位置)

之前未試過做兄弟做得咁他條，八點幾入到圍村然後睇一對新人拜池堂(炮仗都有成五米高，燒起上黎都幾震撼。順帶一提圍村入面既盤菜D魚旦豬皮羅白真係好味過市區賣果D好多)。

下畫係黃金海岸酒店房內幾乎冇野做，只係睇住對新人影相，悶悶地自己都用手機襟左兩張(影得唔好，只係分享下當時環境)。

夜晚係泳池邊露天位置搞自助餐婚宴，咁既安排認真冇得頂，新人還新人做野，我地想食野又可以隨時食，唔駛等上菜(有D人坐左粒零鐘已經食飽打個招呼然後閃 XD)，真係好過好多Dee Dee 打打既中式婚宴。

聖約翰堂(金鐘)

1. 今日原本一心去香公影雀，點知架巴土原來金鐘冇站上橋直去中環，落車之後唔覺意行行下去左呢座教堂。初初睇覺得佢唔算華麗，亦唔覺莊嚴，重有好多角度會影到後面D樓，所以一開始唔打算影佢；不過入左去一陣之後覺得幾寧靜幾舒服所以最後都用左一個鐘係呢度。始終可以拍攝自己享受既環境比單單只影一張相更加愉快。

2. 今次開始M8 d 相會直接用JPG加框而唔會再用Raw轉JPG + Sharpening，因為實在唔鐘意用軟件搞相。以後除非發現有塵(M8入塵能力真係令我佩服得五體投地，我最終買左Cleaning Kit 自己抺CCD，短短日子已經有二次清理經驗，睇下幾時我會變成專家﹗)，如果唔係都唔打算再執相。

香港公園

中環至金鐘