大角咀

幾年前睇過一篇文章，內容提及新手因為每種題材都想拍攝所以自然地想擁有不同焦距或附有特別功能鏡頭，但運用上多數會由初期用 TELE (容易做到淺景深)>> 中期用WIDE/ULTRA WIDE (見多少少景物/透視感)>> 最終用STANDARD (日常生活隨拍)，當然唔係指用左其中一種鏡就完全唔用其他鏡，只係比例問題。

由於STANDARD鏡視覺實在太平淡，所以幾年前根本未諗過自己會用，但今日突然發現原來自己已經向呢個方向進發(06-07年用Canon 70-300[x1.5]多，07-09用Pentax 12-24[x1.5]多，Voigtlander 35/1.4只為練習用，之後會買Leica 28/2.8[x1.33]作正式"行街鏡"用)。

如果該篇文章為選擇器材進化論，我相信器材上我已經差不多進化成形，但可惜技術上仍停在原始階段尋找進化方向。

尖沙咀香港藝術館

原本只得少量時間一試新機(二手)與新鏡，但影完第一張時已經落雨令測試終止，唯有下次得閒再試。

初步發覺要適應用Rangefinder構圖比DSLR困難，由於Viewfinder可視範圍實在太大而部份位置會被鏡頭擋住所以並不容易掌握，加上未習慣手動對焦所以暫時只會用超焦距拍攝。